Wo Tera Roothna Mujhe Say,
Mera Tujh Ko Manaa Lena,
Muhabbat Ki Nishani Hai,
Galay Mujh Ko Laga Lena !
Muhabbat Jis Say Hoti Hai,
Ussi Pay Maan Hota Hai,
Kabhi Main Jo Rooth Jaoon To,
Mujhe Tum Bhi Manaa Lena,
Anaa Say Door Hi Rehna,
Yeh Sab Kuch Mitaa Day Gi,
Anaa K Khol Say Khud Ko,
Har Soorat Bachaa Lena,
Muhabbat K Samundar Mein,
Ik Tufaan Bhi Uth’taa Hai,
Is Tufaan Mein Jaanam,
Mujhe Kashti Banaa Lena,
Agar Doobein Gay Hum Dono,
To Aik Saath Doobein Gay,
Mera Tum Say Ye Waada Hai,
Magar Tum Bhi Nibhaa Lena ….
