Hawa thami thee zaroor lakin......

Hawa thami thee zaroor lakin......
wo shaam jesay sisak rahi thee....
k zard patton nay aandhyoon ko....
Ajeeb qissa suna diya tha.....
k jis ko sun kar tamaam pattay, sisak rahay thay.... bilak rahay thay.....
najanay kis sanahay k gham mein......
shajar jaron say, ukhar chukay thay
.
.
bohat talasha tha ham nay tum ko
har ek rasta,
har ek waadi.....
har ek parbat
har ek ghaati....
magar kahin say khabar na i.........

tu keh k yah ham nay dil ko tala......
hawa thamay ge tu daikh lein gay.....
ham uss k rastoon ko dhoond lein gay.....

magar hamari yeh khush khyaali
jo ham ko barbaad kar gye the....

hawa thami tu zaroor lakin
bari hi muddat ghuzar chuki thee....

falak pay taray nahi rahay thay....
ghulaab pyaray nahi rhay thay
wo jin say basti thee dil ki basti
wo log saray nahi rahay thay.....
magar yeh almiya tha sab say barh kar....

k TUM HAMARAY NAHI RAHAY THAY.....
k HAM TUMHARAY NAHI RAHAY THAY......

hawa thami tu zaroor lakin.......
bari hi muddat ghuzar chuki thee.....